Jalandhar ke Ramnagar Mein Ek Garib aur lachar Bujurg Apne kandhon per dopahar ko Ek Shav Lekar Jata dikha. Bujurg ke sath Ek baccha Bhi Tha Jo Bar Bar niche Gire Laash ke upar Rakhe kapde ko uthakar rakh raha tha.
 |
| Jalandhar: Laachaar Bujurg Ne kandhe par uthai laash |
Yah laash badnaseebi ki nahin system aur samvednao ki hai. 500 se jyada aspataal aur 100 se jyada ambulance wale Jalandhar Jile Mein Corona Kaal ke dauran Prashasnik vyavastha ki Pol kholne wale ek dardnak video Ne Logon Ko JhakJhor kar Rakh Diya.
Shukrawar Shaam viral Hui is video mein Jalandhar ke RamNagar Mein Ek Garib aur lachar Bujurg Apne kandhon par dopahar ko ek Shav Lekar Jata dikha. Bujurg ke sath Ek baccha Bhi Tha Jo Bar-Bar niche Gir Rahe Laash ke upar Rakhe kapde ko uthakar rakh raha tha.
Laachaar Bujurg Ne kandhe par uthai laash - Viral Video
41 second ki is Hirdyavidarak video ne system aur samvednao par Karari chot ki. Laash Le Jaate Bujurg ke aaspaas se log Guzarte Rahe lekin Kisi Ne unko Sahara Dene Ki Koshish Nahin Ki. Bujurg Ram nagar ke railway fatak ki taraf se Aata Dikhai Diya aur Gazigulla ki taraf ja raha hai. Is dauran Ek Dargah ke aage se bhi gujarta hai, par pure Raste Mein use koi apna nahin mila.
Bujurg ke kandhon par Jhuki Hui is laash Ne sabhi ko sochne par majbur Kar Diya ki kya hum us Sehar Mein reh rahe hain jisse sabse Jyada aspataalon wale Shahar ke roop mein pahchan mili hai.
Prashasan rozaana live hokar marijon ke liye Tamam suvidhaein uplabdh hone ka Dawa karta hai. Dopahar Ko Jab Ramnagar Road par yah vyakti Majburi me ambulance ya Auto Rickshaw wale ko bhi laash Le jaane ka Bhada Na De pane ki Majburi Mein Khud Hi Lash ko kandhe per rakhkar Ravana Hua to Tamam Logon Ne is ghatna Ko Dekhkar Sarkar ko katghare Mein Khada kar diya.
Viral video Ne Khade kar Diye Tamam Sawal
Abhi yah spasht nahi ho Saka Hai Ki Maut Ka Karan Corona Raha ya Koi dusri Bimari Thi lekin sabse Jyada aspataalo wale Shahar Mein yah pahla mauka tha Jab Logon Ne Kisi Ko lachari Main is Prakar kandhe par Apne Aziz Ki Lash ko samvednao ke sath Dhote hue dekha Ho. Jis Shahar Mein saikdo ki sankhya Mein NGO aur Samajik Sansthaein Jo Hamesha Logon ki madad ke liye Aage aane ke liye taiyar rahti hai, vahan internet media par viral hue is video ne Tamam Sawal Khade kar Diye hai.
Source: jagran
إرسال تعليق