Textile city mein mangalwar ko ek Ajeeb vakya samne aaya yahan lockdown ka jayjaa Lene t-shirt pehan kar cycle per nikale jila collector (District Collector) ko duty per tainat mahila constable ne rok liya..
Vastra Nagari Bhilwara mein corona se bachav ke liye lagu lockdown ka jayja lene ke liye Bina sarkari thanjam ke cycle se nikale jila collector ko raste mein ek mahila constable ne rok liya. Constable ne cycle sawar collector se poochha ki kahan ja rahe ho?. Vastusthiti ka Pata chalne par Constable thodi Ghabra gai, lekin collector ne Constable ke is karyshaili ki prashansa karte hue kaha very good isi tarah mustaed raho..
Darasal, mangalwar ko jila collector Shiv Prasad M Nakate Shahar mein lockdown ka jaayja lene ke liye subah-subah cycle per sawar hokar Nikal pade. Halankii, collector ke Shahar mein round par nikalne ki suchna police Ko mil chuki thi, Lekin unhen is baat ka andaza katai nahin tha ki vah cycle per ghoom rahe hain. Is dauran raste mein gulmandi ilake main duty per tainaat mahila police karmi Nirmala Swami t shirt pahan collector Ko pahchan nahin payi aur unhone unko rok liya, is per collector vahi ruk Gaye.
Collector bole main Hun DM
Constable ne collector Nakate ko poochha ki kahan ja rahe ho bhai. Isi dauran collector ke piche aaa rahe gun man ne dhire se kaha madam kise rok rahi hein. Yah Sahab Hai itne mein hi jila collector nakate bol pade main DM hun. Is per countable thodi sapkapa gai, lekin collector Nakate ne mahila constable ke is vyavahar ko behad samanya tarike se lete hue unki mustaidi ki sarahna ki aur shabashi de. Uske bad collector vibhinn nako se hote hue nikale aur police ke javanon se mile.
Corona positive ho chuki hai constable
Constable Nirmala ne bataya ki vah aur unka beta donon corona positive Ho chuke hain isliye vah nahin chahti ki koi aur bhi coronavirus ki chapet mein aaye. Nirmala ka kahana hai ki aankde kam hue hain,
corona Nahi. Vah corona ke Dard ko janti hein, isliye logon se appeal kar rahi hai ki ghar mein raho. Bakaul Nirmala ab collector Sahab ko kya padi hai jo vah aapke liye subah subah sadkon per ghoom kar samjha rahe hain bimari ki gambhirta ko samjhaie.
Source: news18.com
إرسال تعليق