Coronavirus ki dusri lahar Bharat ke liye kisi tabahi se Kam nahin. Rojana aaa rahe sankraman ke lakhon mamle aur mauto ki sankhya logon mein khauf paida kar rahi hai . Kisi bhi Mariz ki halat bigadne par Maano uske parijanon ke Dil mein use kho Dene ka dar baith ja Raha Hai . Is sab ke bich in parivaron ki bebasi ko Kareeb se dekh rahe corona warriors bhi bahut kuchh Saajha kar rahe hain.
 |
| "Tera mujhse Hai pahle ka nata koi" ro pade doctor bhi.. |
Marti Hui maa ke liye Gaya gaana..
Aisi hi ek coronawarrior doctor Deepshikha Ghosh ne Jo bataya use jaankar kisi ka bhi Dil paseej jaega. Deepika ne apne Twitter par likha -"Aaj apni shift Puri karne se theek pahle Maine ek mahila ke bete ko video call kiya. Ham Apne aspataal mein Aksar yah karte Hain taki ki kisi ki aakhiri iksha Puri ki ja sake. Mahila ke bete ne mujhse kuchh minut mamgai aur aur video call par hi apni marti maa ke liye usne ek gaana gaya.
Tera mujhse Hai pehle ka nata koi..
Agale tweet mein Deepshikha ne bataya, mahila ke Bete ne use dekhte hue Gaya "Tera mujhse Hai pahle ka nata koi... Main Phone lekar use aur uski maa Ko dekhti khadi Rahi. Nurses Aakar chupchap aasspass khadi ho gayin. Vah gana gate gate foot kar ro pada aur mujhe thank u bolkar usne phone rakh Diya. Uske baad mein aur sabhi nurse vahi Nam aankhon ke sath Khade rahe aur dialysis unit ka alarm bajane per sabhi Apne Apne marijon ke pass chale gaye. Is gane ka matlab ham sabhi ke liye Puri tarah Badal Gaya."
Corono se duniya mein Ho Rahi har Teesri maut Bharat mein..
Bharat mein coronavirus ka kahar ab bhi jari hai. Ek do din ki Kami ke bad Aaj yahni guruwar Ko ek bar fir se Desh mein coronavirus ke naye mamle 3.5 lakh ke benchmark ko paar kar Gaye hein. Bharat mein ek bar fir se 24 ghante mein corona ke mamle 3.62 lakh se adhik aaye hein. Isi dauran covid se 4126 logon ki maut bhi Hui Hai. Halanki, kal ki tulna mein Aaj maut ka aankada thoda kam hai. Magar naye case mein kafi ijafa dekhne ko mil raha hai.
Swasthya mantralay ke aakdo ke mutabik, Desh mein Aaj coronavirus ke 3,62,406 naye case mile, jab ki isi dauran 4126 logon ki maut Hui. Desh mein filhal 37,04,099 se adhik active case hein, vahi 1,93,82,642 log discharge Ho chuke hein.
Yahan Dhyan Dene wali baat hai ki abhi Bharat mein jitne corona case aur mautein ho rahi hein, uske samne America, Brazil Jaise Desh kafi piche Hein. Yaani Bharat mein abhi sabse adhik logon ki maut ho rahi hai aur naye case bhi mil rahe hein. Desh mein sabse adhik mamle Maharashtra mein aa rahe hein. Duniya bhar mein corona se Mar rahe logon mein har Teesri maut Bharat mein ho rahi hai.
Source: livehindustan
Post a Comment