Aaropi ke bujurg pita se daroga ne karai pairon ki malish , viral video se sansani.

Kushinagar jile ke vishnupura Thane per tainat ek SI ka video viral hua Hai. Video mein SI ek aaropi ke pita se pair ki malish kara raha hai. Bataya jata hai ki 20 Dinon se bujurg ko hirasat mein lekar SI begari kar raha tha. Video viral hone ke baad SP ne SI ko line Hazir kar diya hai.

Aaropi ke bujurg pita se daroga ne karai pairon ki malish , viral video se sansani.

Vishnupura thana Kshetra ke jungle luathaha nivasi ek yuvak per 20 Rose purv ek ek ladki Ko bhagane ka aarop Laga tha. Mamle ki jaanch karne gaon pahunche vishnupura Thane pr tenaat SI Arun Kumar Choubey aaropi ke pita ko hirasat mein lekar thane le aaye. Kareeb 20 Dinon se aarop yuvak ka pita Thane mein hai. SI bujurg ko apne kmre mei rakhe hue hai. Aarop hai ki bujurg se SI sabji katwane, kapda dhanwan samet apni jaruraton ka usse kam karaya karte the.

Isi beech budhwar ko SI ka video viral Ho Gaya jismein hua aaropi yuvak ke pita se Apne pair ki malish kara raha hai. Video viral hone ke baad social media par tarah ki post tairne lagi. Log bhi police ke is kritya ka video share karte hue prashasanik afsaron ko kos rahe the. Guruwaar ko viral video ka SP ne bhi saangyan liya ur SI Arun Kumar Chube ko tatkaal Line Hazir kar diya.

Vinod Kumar Mishra SP Khushinagar ne bataya ki video viral hone ke baad SI Arun Kumar Chube ko talkal prabhav se line hazir kar diya gaya hai. Is Trah ke kritya se police ki chavi kharab ho rahi thi. Maamle ki janch CO Tumkuhiraj ko saupi gai hai. CO ki janch report ke aadhaar par aage ki karyavaayi ki jayegi.

Source: livehindustan.com